×
  • Lajme
  • Sport
  • Insajderi

    Kosova me paraqitje dinjitoze ndaj Spanjës, Halimi shënon golin e vitit

    Insajderi
    31 March 2021 - 22:56

    Kombëtarja e Kosovës ka shënuar humbje me rezultat 3-1 në udhëtim ndaj Spanjës, takim ky i vlefshëm për kualifikimet e Kampionatit Botëror “Katari 2022”, raporton Insporti.

    “Dardanët” e Bernard Challandes luajnë mirë por mposhtën në Sevilla ndaj Spanjës, duke mos arritur të fitojnë pikët e para në grupin B.

    Goli i parë erdhi në minutën e 34-të, ku Dani Olmo shënoi nga distanca, teksa vetëm dy minuta më vonë, anësori i Manchester Cityt, Ferran Torres dyfishoi epërsinë për spanjollët.


    Pjesa e parë përfundon me këtë rezultat, ndërsa në pjesën e dytë Kosova ja del të shënoi një gol fantastik me Besar Halimi.

    Një dalje e gabuar e portierit Simon u kapitalizua nga Halimi, i cili arriti të shënoi gol nga mes i fushës.
    Goli i fundit i takimit u shënua nga Gerard Moreno, i cili shënoi nga afërsia në minutën e 75-të të takimit.

    Lirim Kastrati pati një mundësi të artë të ngushtonte epërsinë, por dështoi të shënonte nga afërisia.

    Kosova mbetet në pozitën e fundit në grup, teksa Spanja arrin në kuotën e shtatë pikëve./Insporti.com/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark