Kryetari i PDK-së, Memli Krasniqi, ka dalë kundër projektligjit për vendosjen e çmimeve tavan në disa produkte esenciale, të cilin e prezantoi ministrja e Tregtisë, Rozeta Hajdari.

Sipas Krasniqit, Qeveria Kurti u ka shpallur luftë maketeve të vogla që janë nëpër lagje dhe fshatra të Kosovës.

Ai thotë se pushteti po dëshiron që t’i mbyllë me mijëra markete që gjenden në vendin tonë, për shkak të këtij projektligji.

“Bazamentin e Kushtetutës për ekonomi të tregut të lirë po doni me thy. E keni bo një ligj që s’ka as afat kohor as kurrgjë tjetër. Projektligji është ndërhyrje në tregun e lirë”, tha ai gjatë seancës së Kuvendit.