Në selinë e Partisë Demokratike të Kosovës (PDK), kryetari Memli Krasniqi mirëpriti ambasadorin e ri të Bashkimit Evropian në Kosovë, Aivo Orav.

Krasniqi u shpreh se ambasadori Orav,  sjell me vete një përvojë të pasur prej mbi 30 vjetësh në diplomacinë evropiane dhe veçanërisht në Ballkan dhe se konsiderohet si një përforcim i vlefshëm për procesin integrues të Kosovës.

Sipas njoftimit, në takimin e zhvilluar, Krasniqi dhe ambasadori Orav diskutuan çështje të rëndësishme dhe ndanë pikëpamjet e tyre mbi avancimin e proceseve integruese të Kosovës.

Kryetari i PDK-së theksoi se integrimi euro-atlantik mbetet një prioritet kyç për Kosovën.

Krasniqi riafirmoi përkushtimin e plotë të PDK-së për të thelluar marrëdhëniet diplomatike dhe politike me BE-në, duke nënvizuar angazhimin për të mbështetur rrugëtimin e Kosovës drejt anëtarësimit në Bashkimi Evropian.