×
Show

Kritikohet libri me autor djalin e David Beckham

Insajderi
25 June 2017 - 19:03

Imazhe nga libri i fotografive, me titull “Çfarë unë shoh”, të djalit të David dhe Victoria Beckham, Brooklyn, janë publikuar dhe siç duket jo të gjithë janë fansa.

Njerëzit kanë ndarë mendimet e tyre në rrjetet sociale, duke dhënë kritika sidomos për titujt, shkruan The Independent.

Në njërën faqe, ngjitur me një foto të një elefanti nën hije, titulli thotë: “Elefantët në Keni. Shumë vështirë për tu fotografuar, por të mahnitshëm për tu parë”.

Në faqen tjetër, ngjitur me një foto të turbullt të një grumbulli njerëzish në restorant, 17-vjeçari ka shkruar: “Darkë. Më pëlqen kjo foto – është jashtë fokusit por mund të tregosh se po ndodhin shumë gjëra”.

Alice Jones, redaktore e artit në “i Paper” ka postuar një faqe të librit, i cili ka çmimin 16.99 funte, dhe ka shkruar: “Fanse e madhe e fotove të tmerrshme dhe titujve edhe më të tmerrshëm të Brooklyn Bechkamit”.

Përderisa shumë fansa janë munduar që ta mbrojnë duke thënë se ai është “vetëm një fëmijë duke u kënaqur me kamerën e tij”, por kundërpërgjigje ndaj këtyre ka qenë se pak fëmijëve do t’u ofrohej një kontratë libri me “Peguin Books”.

Fotografi i modër, Chris Floyd, ka thënë se kërcimi i Brooklynit në profesionalizëm “shkon në kundërshtim me gjithçka që prindërit e tij përfaqësojnë”.

Ai ka thënë se prindërit e tij, David dhe Victoria, kanë punuar vet për suksesin e tyre, dhe kanë arritur majat nga asgjë. Ndërsa për rastin e Brooklynit, ai thotë se kjo është thjeshtë nepotizëm. /Insajderi.com

Klikoni Këtu për t'u bërë pjesë e kanalit zyrtar të Gazetës Insajderi në Viber.
OP-ED
Nga Rubrika

© 2016-2024 Gazeta Online Insajderi - Të gjitha të drejtat e rezervuara.

Impressum

Kontakt

Trademark