Nënkryetari i Lidhjes Demokratike të Kosovës, Kujtim Shala, për herë të parë ka folur rreth mundësisë që ai të ishte kandidati i LDK-së për kryeministër për zgjedhjet e 14 shkurtit.

Ai ka thënë se i vetmi kandidat i LDK-së, ka qenë Avdullah Hoti, sepse ai ishte kryeministër se nuk kishte se si të ndodhte ndryshe.

“Hoti ka qenë i vetmi kandidat i LDK-së për kryeministër”, tha Shala.

Shala ka mohuar se emri i tij është diskutuar për kandidat për kryeministër në organet e partisë.

“Se kemi diskutuar, asnjëherë. Dhe, s’do të duhej sepse Hoti ishte kryeministër i vendit”, deklaroi Shala në Klan Kosova. /Insajderi.org