13:09 - 04 Maj 2021

Driton Kuka përveç punës me xhudistët dhe xhudistet e tij, vazhdimisht është i angazhuar në përmirësimin e kushteve edhe të sporteve tjera dhe në nivel vendi, raporton Insporti.com.

Kuka sot ka kërkuar që sa më parë të krijohet Këshilli Kombëtar i Sportit dhe se nuk duhet të humbet kohë më shumë.

Ky institucion, sipas Kukës, duhet drejtuar nga njerëz të sportit dhe jo nga njerëzit që nuk kanë lidhje me sportin e sot po drejtojnë federata sportive.

Tutje, ai shkruan se në sportin e Kosovës ka “krizë të madhe”.

Postimi i plotë i Kukës në “Facebook”:

“Kosova ka ardh koha të ketë

Këshillin Kombëtar të Sportit!

Por jo ai të ndërtohet me vota,po me kritere!

Sporti sështë politikë e as klub sportiv me ba tifo!

Këshilli Kombëtar i Sportit domosdoshmëri!

Me njerëz me kredibilitet të lartë personal,me bagazh të sportistit e jo turistit.

Organizatat Sportive janë mbushur me njerëz që askush si njeh për kontribut në Sport dhe kjo është ba trend.

A ka krizë në sportin e shtetit tonë,patjetër që po.!

A ka analizë të performansës së federatave shumë pak ose aspak!

Disa garues shkojnë në Kampionate Evropiane e Botërore e raportohet se janë thyer rekordet e Kosovës,pse ky fenomen,atje shkohet të garohet me shtete tjera e jo e kundërta!

Mos tē lajthitet opinioni!

Nese shikohet numri i federatave e shohim një numër të madh të tyre,por sa prej tyre janë serioze në prezentim dinjitoz ndërkombëtar?

Shumë numër i vogël.

Sa Sporte kanë fituar medalje Elitare prej përfundimit të luftës e kendej?

Të analizohet pse ?

Kur flitet për buxhet krejt gjejnē arsyetime e kërkojnë modele për me marr ndonjë euro ma shumë,por sa nga mjetet nëpër federata investohen seriozisht në sportistë e trener.!?

Koha me ardh njerëzit e duhur në sport!

Paramendoni që Kategorizimi i Sporteve llogarit vetëm njē rezultat Elitar,duhet ndryshuar mos të bajmë hajgare me rezultate!

Edhe Ligji i shtetit parasheh ngritjen e Këshillit Kombëtar të Sportit.

Ta ecim sportin përpara për fëmijët tonë të mrekullueshëm e me talent të jashtëzakonshëm“.