Pothuajse çdo sezonë të verës qytetarët e Podujevës ballafaqohen me mungesë të ujit në temperatura të larta.
Këto fontana janë vendet e vetme ku llapjanët mund të freskohen gjatë verës.
Kjo meqë edhe pse temperaturat po arrijnë deri në 38 gradë qytetarët e Podujevës po ballafaqohen me mungesë të ujit.
Pothuajse gjatë tërë muajve të verës, banorët drejtohen nëpër marketë të furnizohen me ujë.
E kjo ndodh pothuajse cdo vit. E një praktikë e tillë është shumë shqetësuese për qytetarët.
Sipas banorëve kjo mungesë e ujit po bëhet edhe për shkak të keqpërdorimeve që po bëhen.
Por kryetari i kësaj komune, po thotë që ky problem është për shkak të gypave.
Sipas Bulliqit për zgjidhjen e këtij problemit duhet kohë pasi që ky është problem i vjetër.
Një supozim nga ana e qytetarëve ka qenë që uji po ndalet për shkak të fontanave në qytet.
Por kryetari e ka hedhur poshtë këtë dyshim.
Vendosja e gypave të ri, sipas Komunës së Podujevës, pritet të ndodhë në muajt e ardhshëm.