×
  • Sport
  • Sport / Insporti

    Kurdisja e ndeshjeve në Kosovë, Prokuroria e Shtetit nis hetimet

    Insajderi
    13 April 2021 - 19:15

    Në javët e fundit, janë rritur dyshimet për manipulimin e ndeshjeve futbollistike në Kosovë.

    Prokuroria e Shtetit është duke bashkëpunuar me Federatën e Futbollit dhe Policinë për të hetuar këtë dukuri negative.

    Kryetari i Këshillit Kombëtar për Parandalimin e Dhunës në Sport, prokurori Besim Kelmendi, deklaroi për Indeksonline se Prokuroria ka pranuar informata për disa ndeshje që dyshohet se mund të jenë të kurdisura.

    “Ne i kemi marrë disa informata për disa ndeshje që munden me qenë në rrezik për kurdisje ose manipulim. Është e njoftuar Policia dhe Prokuroria e Shtetit për çdo dyshim të mundshëm”

    “Ne i përcjellim të gjitha debatet dhe lajmet që po dalin dhe gjithmonë kërkojmë verifikim prej policisë dhe njerëzve që janë kompetent për integritetin e ndeshjeve futbollistike. Më shumë nuk mundem me fol sepse kjo mund ta dëmtojë procesin e hetimeve. Për secalin informacion që del, për çfardo dyshimi për kurdisje ose dukuri tjetër negative, ne i dërgojmë te organet kompetente dhe kërkojmë që me u marrë veprimet për me u zbulu për çdo që është e dyshimtë” deklaroi Kelmendi.

    Superliga e Kosovës ka hyrë në fazën e fundit dhe si në çdo edicion tjetër, pikërisht në këtë periudhë rriten dyshimet për manipulimin e ndeshjeve.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark