Kryeministri Albin Kurti sot në Kuvend ka folur rreth çështjes së demarkacionit me Malin e Zi.

Kreu i shtetit tha se deputetët po ta dinin se s’do të bëhej liberalizimi, nuk do ta ratifikonin atë.

“Po ta dinin deputetët më 21 mars të vitit 2018-të që edhe pas ratifikimit nuk do të ketë liberalizim të vizave nuk do t’i kishte 80 vota. Një votë po të mungonte nuk do të bëhej. I kemi pasur dy komisione me misione të ndryshme. Komisioni i Malit të Zi e ka pasur caktimin e kufirit, Komisioni i Kosovës e ka pasur mision shënjimin e kufirit. Ne kemi thënë se duhet të presim pak se duhet korrigjim para se të bëhet”, tha ai.

Tutje, Kurti tha se nuk mund ta bartë gabimin e qeverive paraprake.

“Unë nuk dua ta bartë gabimin e qeverive të kaluara. Ne do ta presim momentin e përshtatshëm që ta bëjmë korrigjimin. Tani në Podgoricë e kemi një kryeministër në detyrë dhe së shpejti do të ketë edhe zgjedhjet për president”, u shpreh Kurti.