Kryeministri i vendit, Albin Kurti, ka thënë që reciprociteti ndaj Serbisë nuk është hakmarrje.

“Ne nuk e shohim reciprocitetin mjet për hakmarrje, por si koncept që derivon nga vlera e barazisë.Përveçse dobi është vlerë para së gjithash. Ne do dëshironim që Serbia t’i heq barrierat. Ne e duam reciprocitetin që Serbia t’i heq barrierat”, u shpreh ai.

Tutje Kurti në një konferencë për media, theksoi që nuk do të ketë takim me presidentin e Serbisë, Aleksandar Vuçiq, për dialogun Kosovë-Serbi para datës 6 tetor.

“Nuk do të ketë takim para 6 tetorit, kur edhe e kemi Samitin në Slloveni mes Bashkimit Evropian dhe gjashtë shteteve të Ballkanit Perëndimor. S’ka datë të caktuar se kur do të jetë takimi ynë i radhës”.