14:40 - 25 Qershor 2022

Hamburgu është shumë afër shitjes së Josh Vagnomanit, 21-vjeçait i cili do t’i bashkohet Stuttgartit për afër shtatë milionë euro.

Kjo do t’i hapë rrugë transferimit të Emir Sahitit, që luan te Hajduku i Splitit në Kroaci.

“Abendblatt” ka shkruar të shtunën se skuadra gjermane, Hamburgu, tani është gati t’i shpenzojë 3.5 milionë euro për kartonin e reprezentuesit të Kosovës, por po e pret kompletimin e shitjes së Vagnomanit.

23-vjeçari Sahiti ka zhvilluar 39 ndeshje në të gjitha garat në sezonin e kaluar me Hajdukun e Splitit. Shënoi shtatë gola dhe pati pesë asistime.

Me Përfaqësuesen e Kosovës e ka një ndeshje të zhvilluar.