Massimo Ferrero, ish-presidenti i klubit italian të futbollit, Sampdoria, është lënë i lirë ditën e sotme.

Ai ishte lënë në arrest shtëpiak prej 24 dhjetorit, pasi pak ditë më parë ishte dërguar në qeli.

Hetimi, i koordinuar nga Prokurori Publik i Paolës, kishte të bënte me falimentimin e katër kompanive në sektorin e hotelerisë, turizmit dhe kinemasë me qendër në provincën e Cosenza: Ellemme spa, Blu Cinematografica srl, Blu Line srl dhe Maestrale srl. Tetë të pandehurit e tjerë u dërguan në gjyq së bashku me Ferreron, duke përfshirë vajzën e tij Vanessa, ish-bashkëshorten Laura Sini dhe nipin Giorgio.

Ferrero, së bashku me tetë persona të tjerë akuzoheshin për falimentimin e qëllimshëm të disa kompanive që kishte në Kalabri.