Presidenti i Lituanisë, Gitanas Nauseda ka thënë se e ka pranuar me shqetësim sulmin ndaj Polonisë.
Reagimi i tij vjen pasi dy raketa ruse raportohet se kanë goditur një fshat në Poloni, duke shkaktuar vdekjen e dy personave.
Presidenti i Lituanisë, Nauseda, ka thënë se duhet të mbrohet çdo centimetër territor i NATO-s.
“Lajme shqetësuese nga Polonia sonte për së paku dy shpërthime. Jemi duke mbajtur kontakt të ngushtë me miqtë polakë. Lituania qëndron në solidaritet të fortë me Poloninë. Çdo centimetër i territorit të NATO-s duhet të mbrohet!”, ka shkruar presidenti i Lituanisë, Gitanas Nauseda në Twitter.
Lituania është shtet anëtar i NATO-s nga viti 2004. Një reagim i ngjashëm, më herët, erdhi edhe nga Estonia.