×
  • Sport
  • Sport / Insporti

    Maldini: Për Leaon kemi refuzuar klubin e madh anglez gjatë verës

    Insajderi
    15 September 2022 - 09:24

    Drejtori dhe legjenda e AC Milan, Paolo Maldini ka zbuluar se Chelsea ishte tejet i interesuar për shërbimet e Rafael Leaos gjatë afatit kalimtar të veres, transmeton Insajderi.

    Maldini po ashtu ka treguar se klubi italian ka përgatitur një kontratë të re për yllin portugez, i cili në dy sezonet e fundit po shkëlqen.

    “Tashmë kemi filluar të flasim për kontratën e re prej disa kohësh, si me Leao ashtu edhe me Bennacer dhe Kalulu. Rinovimet mund të jenë të thjeshta ose të ndërlikuara, vullneti i lojtari ndikon shumë sepse ai e jep fjalën e fundit. Në merkaton e verës, Chelsea na dërgoi një ofertë për Leao. Ne e refuzuam pasi mendojmë se gjëja më e mirë për të është të vazhdojë të rritet këtu me ne”, është shprehur ish-kapiteni legjendar.

    Milan mbrëmë mposhti Dinamo Zagrebin në Ligën e Kampionëve me rezultatin 3:1 dhe Leao nuk mungoi në listën e golashënuesve, duke shënuar një gol tejet të bukur. /Insajderi/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark