×
  • Lajme
  • Insajderi

    Martin Berishaj thotë se nuk e njeh kryeministrin e Sllovenisë: Kurrë nuk kam qenë në kontakt me të

    Insajderi
    22 January 2023 - 19:35
    Klikoni Këtu për t'u bërë pjesë e kanalit të Insajderit në Youtube.

    Ambasadori i Kosovës në Kroaci, Martin Berishaj, i cili njihet për skandalin e madh financiar me kompaninë GEN ka reaguar përsëri.

    Përmes një postimi në Facebook, Berishaj ka thënë se nuk e njeh kryeministrin e Sllovenisë, Robert Golob.

    Sipas tij, ai kurrë nuk e ka takuar dhe asnjëherë nuk ka pasur kontakt me të, duke i cilësuar raportimet ndaj tij si lajme të rrejshme.

    ”Kryeministrin e Republikës së Sllovenisë, z. Robert Golob nuk e njoh, kurrë nuk e kam takuar në jetën time dhe nuk kam qenë kurrë në kontakt me të, kështu që pavarësisht asaj se sa herë do ta ricikloni lajmin e rrejshëm, ai vetëm lajm i rrejshëm mbetet!”, ka shkruar Berishaj.

    Ndërkohë, kryeministri i Sllovenisë, Robert Golob ka folur për raportimet ku përmendet ai dhe ambasadori i Kosovës në Kroaci, Martin Berishaj në aferën për shpëlarje të parave.

    Golob në një televizion slloven ka thënë se të gjitha këto raportime janë trillime të pastërta. Sipas tij më vonë u zbulua se Berishaj është mik personal i Janez Janshas, kryetarit të SDS. /Insajderi

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark