15:46 - 21 Prill 2021

Llapi dhe Prishtina zhvilluan sot pjesën e parë të ndeshjes kthyese në fazën gjysmëfinale të Kupës së Kosovës në futboll, shkruan Insporti.

Ne pjesën e parë të dy skuadrat kanë arritur të shënojnë, duke përfunduar 45 minutëshi i parë me rezultat të barabartë 1-1.

Ishte Enis Gavazaj ai që realizoi nga pika e bardhë për epërsinë e Prishtinës, teksa Ahmed Januzi arriti që të realizojë për ta barazuar rezultatin në 1-1.

Skuadra që siguron sot kalimin për në finale, do të takohet me skuadrën nga Liga e Parë, Dukagjinin.

Ndryshe, ndeshja e parë e zhvilluar në “Fadil Vokrri” ishte fituar 2-3 nga llapjanët. Siç dihet, fituesi i Kupës së Kosovës luan edhe në Europa League./Insporti.com