×
  • Lajme
  • Insajderi / Insajderi

    “Me kryeministrin”, shefat e kabineteve nisin me mëngjes përkrahjen për Kurtin

    Insajderi
    27 February 2023 - 10:38

    Kryeministri Albin Kurti dhe presidenti serb, Aleksandar Vuçiq do të takohen sot në Bruksel. Nga ky takim pritshmëritë për arritjen e një marrëveshjeje janë të mëdha.

    Në mbështetje ndaj kryeministrit Kurti kanë filluar postime në rrjetin social Facebook #meKryeministrin.

    Përpos militantëve të Lëvizjes Vetëvendosje, një veprim të tillë e kanë bërë edhe shefat e kabineteve të qeverisë Kurti.

    Shefi i kabinetit të Kurtit, Luan Dalipi e ka nisur ditën duke i dhënë përkrahje publike kryeministrit. “#meKryeministrin”, ka shkruar Dalipi në Facebook.

    Të njëjtin veprim e ka bërë edhe Ilir Kërçeli, shefi i kabinetit të kryeparlamentarit Glauk Konjufca.

    Kërçeli ka publikuar një fotografi të Kurtit me mbishkrimin “Jemi me ty Kryeministër”.

    Nga takimi Kurti-Vuçiq, Bashkimi Evropian dhe departamenti amerikan i Shtetit presin që palët të pranojnë zyrtarisht planin evropian. /Insajderi

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark