Ministri i Mbrojtjes, Armend Mehaj ka njoftuar se sot në mbledhjen e 136 të Ekzekutivit është miratuar Projektligji për Agjencinë e Intelegjencës dhe Sigurisë se Mbrojtjes.

Ai ka thënë se kjo Agjenci do të ushtroj aktivitete brenda dhe jashtë territorit të Kosovës, dhe se njëra ndër qëllimet është mbrojta e Forcës së Sigurisë së Kosovës.

“Ky agjencion do të ushtrojë aktivitetin e saj brenda dhe jashtë territorit të Republikës së Kosovës me qëllim të mbështetjes së Ministrisë së Mbrojtjes (MM) dhe Forcës së Sigurisë së Kosovës (FSK) në fushën e zbulimit, kundërzbulimit dhe sigurisë lidhur me kërcënimet apo rreziqet e mundshme për kryerjen e misionit të tyre kushtetues dhe ligjor”, ka deklaruar Mehaj.

Ministri themelimin e kësaj Agjencie e ka cilësuar “hap të rëndësishëm në fushën e mbrojtjes dhe sigurisë së vendit”.