Disa orë para koncertit në sheshin Skënderbej, Dua Lipa ka ndarë një video në rrjete sociale me flamurin shqiptar.

Ylli shqiptar me famë botërore shkruan se ndihet shumë e lumtur si qytetarja më e re shqiptare dhe mezi pret që të performojë sonte në sheshin Skënderbej.

“Mezi po pres me ju pa”, shkruan në shqip Dua Lipa, teksa njofton se sonte do të mbajë mbrëmje madhështore në Tiranë.

View this post on Instagram

A post shared by DUA LIPA (@dualipa)

Kujtojmë që Dua mori nënshtetësinë shqiptare dje nga Presidenti Bajram Begaj. “Është kënaqësi e veçantë që sot presim artisten e madhe Dua Lipa. Them artiste e madhe, por ajo është edhe një vajzë e thjeshtë, që krenarinë më të madhe na e ka dhënë ne, Shqipërisë, Kosovës dhe kudo ku ka shqiptarë nëpër botë.

Rinia shqiptare ju ka shembull dhe ju keni treguar se ëndrrat arrihen duke punuar gjithnjë e më shumë. Ti i ke bërë të gjithë shqiptarët bashkë! Ndaj kam kënaqësinë t’ju jap shtetësinë shqiptare”, u shpreh Begaj.