×
  • Lajme
  • Insajderi / Insajderi

    Mërgim Lushtaku e lëshon mbledhjen pas përplasjes me Armend Mujën

    Insajderi
    16 November 2022 - 11:03
    Klikoni Këtu për t'u bërë pjesë e kanalit të Insajderit në Youtube.

    Deputeti i PDK-së, Mërgim Lushtaku dhe deputeti i VV-së, Armend Muja, janë përplasur në mbledhjen e Komisionit për Buxhet.

    Deputeti Lushtaku kërkoi që në pikë të rendit të ditës të jetë propozimi i grupit punues për mbikëqyrje të zbatimit të Ligjit për BQK-në që të angazhojë dy ekspertë për këtë çështje.

    Lushtaku kërkoi që në pikë e parë të jetë kjo çështje, teksa u përkrah edhe nga deputeti i LDK-së, Avdullah Hoti.

    Ky i fundit si kryetar i Grupit punues për mbikëqyrje të zbatimit të Ligjit për BQK-në, tha se ka kërkuar që kjo pikë të jetë në rend dite, raporton EO.

    “Komisioni e ka diskutuar në një mbledhje, por nuk ka asnjë vendim për angazhimin e ekspertëve. Për shkak të mosangazhimit të eksperteve, të cilët është dashur të bëjnë një analizë të ligjit ekzistues si bazë për diskutim me BQK-në dhe akterët e tjerë, grupi punues nuk është mbledhur”, tha Hoti.

    Me këtë rast, deputeti i PDK-së, Mërgim Lushtaku lëshoi mbledhjen.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark