Futbollisti nga Kosova, Blendi Idrizi ka debutuar me klubin nga Bundesliga, FC Schalke 04, raporton Insporti.

23-vjeçari është futur nga minuta e parë nga trajneri, Grammozis në ndeshjen kundër Hertha Berlin, e vlefshme për xhiron e 33-të në Bundesliga.

Idrizi luajti 77 minuta në takimin që Schalke e humbi me rezultatin 1-2, teksa u vlerësua me notën 6.6 nga “SofaScore”.

Idrizi ishte futbollist i Kombëtares së Kosovës në grupmoshat U21.

Kujtojmë që më parë 23-vjeçari ka luajtur për FC Koln./Insporti.com/