Drejtori i Institutit të Kosovës për Drejtësi, Ehat Miftaraj, ka ngritur pyetjen se kush është në të vërtetë ministër në Ministrinë e Mjedisit, Planifikimit Hapësinor dhe Infrastrukturës, shkruan Insajderi.

Miftaraj, përmes një shkrimi në llogarinë personale në Facebook, ka shkruar se nuk është i sigurtë nëse ministër është Liburn Aliu, apo Hysen Drumishi, pas paraqitjeve të këtij të fundit.

“A është Minister Liburni a ky Durmishi? Nenshkrova kete, shfuqizova ate, anulova kete, mora vendim per kete.Liburn Aliu si duket gjithe diten rrin tu nenshkru vendime me ia delegu kompetencat zevendesit te tij Durmishit per çeshtje qe jane kompetence e Ministrit. Mire boll, edhe ashtu qartazi po shihet se Liburni shpejt e shpall kandidaturen per kryetar te Prishtines, e Durmishi edhe de jure do jete minister! – shkroi ai.