Milot Rashica nuk do ta bartë më numrin 26 në fanellën e tij. Talenti vushtrrias ka publikuar sot një foto të fanellës me numër të ri.

Ai do të bartë numrin 7 në shpinë, i cili është njëri nga numrat më të kërkuar në Evropë, dhe rëndom futbollistët më të mirë ofanziv të skuadrave botërore mbajnë këtë numër.

Rashica javën e kaluar nisi përgatitjet me Vitessen dhe skuadra holandeze e sheh atë si njërin nga futbollistët kyç të grupit, të cilin futbollisti i ri shqiptar e ka dëshmuar gjatë stinorit që kaloi, duke zënë një vend të rëndësishëm në projektin e klubit holandez.

Vitesse pritet t’i besojë shumë futbollistit shqiptar në vitet e ardhshme, dhe nga ai pret që të fitoj shuma të mëdha parash, raporton Insajderi.

Napoli, PSV dhe gjiganti holandez Ajax veç kanë shprehur interesim për futbollistin e lindur në Vushtrri, i cili ka edhe tre vite kontratë me ish-kampionin e Holandës./Insajderi.com