×
  • Lajme
  • Insajderi

    Ministri serb me tone kërcënuese: Ushtria serbe tani është më e fortë se në vitin 1999 por..

    Insajderi
    10 November 2022 - 13:11

    Ministri i Mbrojtjes në Serbi, Millosh Vuçeviq ka deklaruar se ushtria serbe është e aftë, e trajnuar dhe e gatshme për të kryer çdo detyrë.

    Në një intervistë për “Vecernje Novosti”, Vuçeviq ka thënë se nuk duan luftëra dhe nuk duan që asnjë fëmijë të vuaj.

    “Nuk duam të vuajnë as kombet e tjera, por thirrjet tona për dialog nuk do të thotë se jemi të dobët apo të papërgatitur e të pavendosur. Thjesht mendojmë se është më mirë të dialogojmë dhe të bisedojmë, të ulemi në tavolinë në vend që të qëndrojmë në llogore”, ka deklaruar Vuçeviq përcjell Insajderi.

    Ministri serb shkoi edhe më tutje duke thënë se ushtria serbe sot është shumë herë më e fortë se në vitin 1999.

    “Ne nuk duam të kthehemi në 1999, nuk duam luftëra dhe vuajtje. Askush nuk është duke tundur armët apo duke luajtur lojëra lufte. Ne jemi të moderuar në deklaratat tona, të përgjegjshëm, por nga ana tjetër po u dërgojmë mesazh të gjithëve se është e pamundur të arrihet një zgjidhje nëse serbët duhet të humbasin gjithçka dhe pala tjetër të fitojë gjithçka. Ky nuk është kompromis atëherë bëhet fjalë për humbje dhe poshtërim të njërës palë dhe qëndrim haptazi pranë palës tjetër. Këto janë ultimatume, zgjidhje imponuese”, theksoi ai.

    Vuçeviq shtoi në fund se janë të vetdijshëm që në Kosovë operojnë forcat e NATO-s duke mos i komentuar pretendimet për nisjen e një lufte të re. /Insajderi

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark