×
  • LifeStyle
  • LifeStyle

    Mjaltë me petale trëndafili për rigjallërim të organizimit

    Insajderi
    21 September 2021 - 09:26
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Ëmbëlsia e mjaltit dhe aroma e trëndafilave nuk mund të krahasohen me asgjë tjetër.

    Nuk kanë të ngjashëm apo zëvendësues e të dy për qëllime të ndryshme janë pjesë e jetos tonë të përditshme.

    Mendoni pak sa interesant dhe i shijshëm do të ishte kombinimi i këtyre dy përbërësve.

    Mjalti në vetvete një kurë e vërtetë për organizmin ndërsa trëndafilat janë një bimë e mrekullueshme për t’u konsumuar.

    Kombinimi i mjaltit me trëndafila ndihmon kundër çlirimit të stresit, ankthit dhe rigjallërimin e të gjithë organizmit.

    Mësoni në vijim se si të përgatisni lehtë në shtëpitë tuaja këtë delikatesë të shëndetshme.

    Përbërësit

    6 trëndafila të natyralë me aromë (trëndafila të egër apo Persian)

    500 ml mjaltë

    Përgatitja

    Për të nisur me përgatitjen e kësaj recete si fillim mblidhni trëndafila të freskëta e të ngrënshëm.

    Pastrojini ata nga gjethet, insektet e vogla dhe ndani petalet një nga një për të vazhduar me përgatitjen.

    Ndërkohë vini mjaltin të ngrohet derisa të përfitoni një masë të hollë në formë shurupi.

    Bëni kujdes të mos e ngrohni më shumë se 35 gradë celsius mjaltin tuaj në mënyrë që të mos humbasë karakteristikat dhe vlerat.

    Zgjidhni një kavanoz hermetik e të serilizuar dhe mbusheni atë me gjethet e trëndafilit duke i shtypur ato me kujdes në mënyrë që të lëshojnë esencë dhe aromë.

    Më pas menjëherë shtoni gjysmën mjaltit të ngrohtë dhe përzieni në mënyrë që të çlironi bulëzat e ajrit.

    Përfundoni duke shtuar më pas edhe pjesën tjetër të mjaltit dhe përzieni sërish.

    Kavanozin mbylleni hermetikisht me lëreni mjaltin në një vend të thatë e të errët për të paktën 3 ditë deri në 1 javë.

    Nëse jetoni në një vend me temperature të larta, mund ta ruani edhe në frigorifer.

    Më pas konsumojeni siç është bashkë me petalet e trëndafilit për shumë shije dhe shëndet.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark