Jose Mourinho dëshiron të arrijë rekordet e ish-trajnerit legjendar të Manchester Unitedit, Sir Alex Ferguson.

Menaxheri portugez thotë se nuk e fsheh dëshirën që edhe ai të arrijë rekordet e vendosura nga ish-trajneri skocez, duke thënë se është i vetëdijshëm për pritshmëritë që të tjerët kanë për të.

“Nuk mund ta fsheh se dua të arrijë rekordet e Sir Alex. Kjo nuk është një ëndërr, është realitet, por është një punë që secili do dëshironte ta kishte”, deklaroi Mourinho sot në prezantimin e tij në Old Trafford.

Sir Alex Ferguson ishte për 26 vjet trajner i skuadrës së madhe angleze, me të cilën arriti të thyej pothuajse çdo rekord të klubit.

United përfundoi në vendin e pestë sezonin e kaluar, dhe nuk do të luajë në Ligën e Kampionëve sezonin e ardhshëm. /Insajderi.com