×
  • Lajme
  • Lajme

    Mundësi për bileta më të lira – GP Aviation autorizohet për fluturimet Kosovë-Zvicër

    Insajderi
    14 June 2024 - 17:38
    Klikoni Këtu për t'u bërë pjesë e kanalit të Insajderit në Youtube.

    Kompania ajrore GP Aviation ka marrë autorizime për fluturime nga Kosova për në Zvicër.

    Ky autorizim do të mundësojë që biletat për këto destinacione të jenë më të lira.

    Ky vendim është marrë nga Autoriteti i Aviacionit Civil.

    Në njoftimin e tyre theksohet se ata mbeten të përkushtuar që të shtyjë zhvillimin e aviacionit civil në shërbim të qytetarëve dhe zhvillimit ekonomik të vendit.

    Njoftimi i plotë;

    Kompania ajrore GP Aviation e emëruar/dezignuar nga Republika e Kosovës fillon fluturimet ndërmjet Kosovës dhe Zvicrës nga data 24 qershor në destinacionet Prishtinë – Cyrih dhe Prishtinë – Bazel, kurse nga data 3 korrik në destinacionin Prishtinë – Gjenevë

    Autoriteti i Aviacionit Civil të Kosovës ka kënaqësinë të njoftojë publikun se për herë të parë Kosova po realizon zgjerimin e rrjetit të rrugëve ajrore ndërkombëtare me fluturime shtesë nga Kosova për në Zvicër përmes një operatorit ajror të BE-së të emëruar për shërbime të transportit ajror sipas kritereve dhe kushteve në interes të publikut dhe qytetarëve të të dyja vendeve, duke ofruar orar të rregullt të fluturimeve dhe çmime konkurruese, si dhe zhvillimin e konkurrencës së drejtë në tregun e shërbimeve ajrore ndërmjet dy shteteve.

    Procesi i përzgjedhjes së operatorit ajror të emëruar është zhvilluar në mënyrë transparente përmes publikimit të shprehjes së interesit me kritere specifike për ofrimin e shërbimeve ajrore për publikun në përputhje me marrëveshjen bilaterale në mes të Republikës së Kosovës dhe Konfederatës Helvetike. 

    Pas procesit të aprovimit të planit të fluturimeve nga ana e autoriteteve zvicerane, operatori ajror i emëruar “GP Aviation” ka arritur të organizojë fillimin e shërbimeve ajrore nga data 24 qershor 2024 në destinacionet  Prishtinë – Cyrih, Prishtinë – Bazel dhe anasjelltas, si dhe nga data 3 korrik 2024 në destinacionin Prishtinë – Gjenevë dhe anasjelltas.

    Ky është një lajm shumë i mirë për Kosovën, për diasporën tonë në Zvicër, për qytetarët e Zvicrës dhe të Kosovës, sepse janë krijuar mundësi më të mëdha të udhëtimit dhe me bileta më të lira në mes të të dyja shteteve. Ky zhvillim është pjesë e objektivave dhe strategjisë më të gjerë të AAC-së dhe qeverisë së Republikës së Kosovës për të zgjeruar rrjetin e saj ndërkombëtar të rrugëve ajrore dhe për të ofruar më shumë mundësi udhëtimi për qytetarët e Kosovës.

    AAC-ja mbetet e përkushtuar që gjithnjë të shtyjë zhvillimin e aviacionit civil në shërbim të qytetarëve dhe zhvillimit ekonomik të vendit, me synimin që në një të ardhme të afërt të kemi edhe një kompani ajrore vendore për ofrimin e shërbimeve ajrore për qytetarët tanë.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark