Spitali i Përgjithshëm i Gjilanit ka hapur konkurs për pesë pozita të lira për mjekë specialistë.

Sipas konkursit, po kërkohen një specialist i Kardiologjisë, dy specialistë të Mjekësisë Emergjente dhe dy specialistë të Radiologjisë.

Afati për paraqitjen e aplikimeve është i hapur deri më 7 nëntor.

Këtë viti ikja e stafit mjekësor nga institucionet publike të shëndetësisë ka qenë në përmasa masive.

Mungesat e anesteziologëve dhe të infermierëve janë më të vërejtshmet në Qendrën Klinike Universitare të Kosovës dhe, sipas të gjitha gjasave, ato nuk do të mund të adresohen së shpejti.

Sipas të dhënave të Odës së Mjekëve të Kosovës, 580 mjekë janë larguar nga Kosova, në periudhën 2018-2021.