Komuna e Shtimes ka njoftuar se janë ekzekutuar pagesat për nënat lehona.
Kryetari i kësaj komunë Qemajl Aliu, tha se pagesën prej 100 eurosh do ta marrin 148 nëna të cilat kanë aplikuar.
“Për 148 nëna lehona që kanë aplikuar deri tani, janë ekzekutuar pagesat me shtesën prej 100 eurosh për fëmijët e porsalindur”, ka njoftuar ai.
Aliu tha se mundësia për aplikim vazhdon akoma.
“Mundësia e aplikimit vazhdon akoma dhe inkurajojmë gjithë nënat e reja të aplikojnë. Shuma aktuale do ndikojë sadopak në zbutjen e obligimeve financiare”, ka shkruar Aliu në Facebook.