×
  • Lajme
  • Botë
  • Lajme / Botë

    Ndryshojnë gjërat, Mbretëresha Elizabeth dëshiron që Camilla të jetë mbretëreshë kur Charles të bëhet mbret

    Insajderi
    07 February 2022 - 00:52

    Mbretëresha e Britanisë Elizabeth deklaroi se dëshiron që Camilla, Dukesha e Cornwall-it, të njihet si Queen Consort (Bashkëshortja mbretëreshë) kur Princi Charles të marrë fronin, transmeton Anadolu Agency (AA).

    Në një mesazh për përvjetorin e ngritjes së saj në fron, mbretëresha shprehu falënderimet e saj për publikun dhe familjen e saj për mbështetjen e tyre gjatë 70 viteve të saj në fron.

    “Dhe kur të vijë koha, që djali im Charles të bëhet mbret, unë e di se ju do t’i jepni atij dhe gruas së tij Camilla të njëjtën mbështetje që më keni dhënë mua; dhe është dëshira ime e sinqertë që, kur të vijë ajo kohë, Camilla të njihet si ‘Queen Consort’ pasi ajo vazhdon shërbimin e saj besnik”, tha ajo.

    Mbretëresha Elizabeth II ka shënuar përvjetorin e 70-të historik në fron.

    Jubileu i platinit do ta gjejë atë si monarken më jetëgjatë në historinë britanike, e ulur në fron që nga viti 1952.

    Buckingham Palace në fillim të këtij viti publikoi një listë të ngjarjeve festive të planifikuara për verën, e cila përfshin koncerte, ceremoni të veçanta, festa në rrugë dhe një festë shtesë për publikun.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark