Profesori Avdi Smajljaj ka reaguar lidhur me raportimin se imami, Behar Mjekiqi është denoncuar të mërkurën për dhunë ndaj dashnores së tij.
Smajljaj në një postim në rrjetin e tij social, Facebook, shkroi se nesër në ligjëratën e xhumasë duhet folur kundër dhunës ndaj dashnoreve.
“Nesër në ligjëratën e ditës së xhuma, do të duhej folur kundër ushtrimit të dhunës nga hoxhollarët ndaj dashnoreve të tyre. Peshku prishet në kokë, e ne ka kohë që jemi qelbur në kokë” – shkroi ai.
Edhe nga Policia e Kosovës kanë konfirmuar rastin e dhunës së ushtruar nga hoxha ndaj të dashurës së tij. Madje siç ka bërë të ditur policia, viktima ka pranuar tretman mjekësor.