23:50 - 24 Nëntor 2022

Serbian Prime Minister Aleksandar Vucic listens German Foreign Minister Sigmar Gabriel during a news conference, in Belgrade, Serbia, Wednesday, April 12, 2017. Gabriel is on a two-day official visit in Serbia. (AP Photo/Darko Vojinovic)

Serbia po e paraqet si fitore marrëveshjen për targat që është arritur në orët e mbrëmjes të së mërkurës në Bruksel.

Kështu deklaroi në Klan Kosova, gazetari Idro Seferi.

Ai tha se presidenti i Serbisë Aleksandar Vuçiq, ka deklaruar se kjo është një fitore e madhe që këto targa janë ruajtur për banorët që tashmë i kanë.

“Qeveria e Serbisë dhe presidenti Vuçiq thotë që nuk do të lëshojnë më targa KM por sipas tyre është një fitore e madhe që këto targa janë ruajtur për ata banorë që tashmë i kanë”, tha Seferi.

Të mërkurën, Kosova dhe Serbia arritën marrëveshjen për targat.

Bazuar në marrëveshjen, Serbia do ta ndalojë prodhimin e mëtutjeshëm të targave “KM” dhe Kosova nuk do ta zbatojë masën e gjobës, ashtu siç ishte paraparë në bazë të vendimit të Qeverisë së Kosovës.

Shefi i Bashkimit Evropian për politikë të jashtme dhe siguri, Josep Borrell, deklaroi se në ditët në vazhdim do t’I ftojë palët që të diskutojnë për arritjen e marrëveshjes për normalizimin e marrëdhënieve.