Partizani nga Tirana do të luajë kundër Baselit në turin e dytë të Ligës së Konferencës, shkruan Insporti.
Partizani do të synojë të surprizojë zviceranët në “St. Jakob Park”., pavarësisht shanseve të pakta.
Sfida e parë mes dy skuadrave do të luhet në Zvicër, në stadiumin gjigant të Baselit, “St. Jakob Park”, me kapacitet plot 45 mijë vende.
E gjatë është lista e futbollistëve shqiptarë që luajnë për Baselin dhe që do të luajnë edhe kundër Partizanit.
Taulant Xhaka pësoi një dëmtim shumë të rëndë një vit më parë dhe i janë dashur plot 12 muaj të rikuperohet plotësisht. Mesfushori shqiptar luajti në miqësoren e fundit kundër Hamburgut, duke u rikthyer më në fund në fushat e blerta.
Por, sfidën e parë zyrtare pas dëmtimit do ta luajë kundër Partizanit.
KATËR SHQIPTARËT QË LUAJNË ME BAZELIN:
TAULANT XHAKA, Mesfushor, 30 vjeç
PAJTIM KASAMI, Mesfushor, 29 vjeç
EDON ZHEGROVA, Sulmues, 22 vjeç
TICIAN TUSHI, Sulmues, 19 vjeç