Kryeministri Albin Kurti në janar të këtij viti thoshte se Kosova ka filluar të çlirohet nga korrupsioni.

Sipas tij, vitin që shkoi është shënuar përmirësim i dukshëm i imazhit të Kosovës.

“Këtë vit Kosova u ngrit për 17 vende në Transparency International për luftën kundër korrupsionit pra në vitin të cilin e lamë pas kemi përmirësuar dukshëm imazhin e vendit tone… Kosova ka filluar të çlirohet nga korrupsioni…”, deklaronte Kurti, shkruan Gazeta Insajderi.

Por, në realitet nuk duket se gjithçka po shkon vaj, siç thotë i pari i Qeverisë, pasi çështja e korrupsionit është përmendur në raportin e sivjetshëm të Departamentit Amerikan të Shtetit.

Aty përmendet se disa raste të korrupsionit janë apeluar vazhdimisht dhe se sistemi ligjor herë pas here ka lejuar parashkrimin e rasteve.

Aty po ashtu thuhet se organizatat joqeveritare në Kosovë, si dhe organizatat ndërkombëtare, kanë theksuar vazhdimisht dështimin e sistemit gjyqësor për të ndëshkuar rastet e korrupsionit, duke rezultuar në shumë pak raste të zyrtarëve të lartë të përfunduar me dënime.

“Ligji parashikon dënime penale për korrupsion nga zyrtarët, por qeveria nuk e zbatoi ligjin në mënyrë efektive. Pati raportime të shumta për korrupsion në qeveri. Zyrtarët ndonjëherë përfshiheshin në praktika korruptive pa u ndëshkuar. Mungesa e mbikëqyrjes efektive gjyqësore dhe dobësia e përgjithshme në sundimin e ligjit kontribuan në këtë problem”.

“Rastet e korrupsionit në mënyrë rutinore i nënshtroheshin ankesave të përsëritura dhe sistemi gjyqësor shpesh lejonte skadimin e parashkrimit. Në dhjetor 2021, Instituti i Kosovës për Drejtësi ka identifikuar 11 raste të korrupsionit në rrezik të parashkrimit; në janar shtatë nga këto raste kanë skaduar për shkak të parashkrimit”, thuhet në raport.

“OJQ-të dhe organizatat ndërkombëtare pretenduan për dështime të shumta nga sistemi gjyqësor për të ndjekur penalisht korrupsionin, duke vënë në dukje se shumë pak raste të ngritura kundër zyrtarëve të lartë rezultuan me dënime. Dënimi i zyrtarëve të nivelit të lartë të dënuar për korrupsion ishte shpesh i butë”, vazhdon shkrimi në raport, transmeton Gazeta Insajderi.

Korrupsioni dhe Mungesa e Transparencës në Qeveri, pjesë shkrimi nga raporti i DASH

Ligji parashikon dënime penale për korrupsion nga zyrtarët, por qeveria nuk e zbatoi ligjin në mënyrë efektive.

Pati raportime të shumta për korrupsion në qeveri. Zyrtarët ndonjëherë përfshiheshin në praktika korruptive pa u ndëshkuar.

Mungesa e mbikëqyrjes efektive gjyqësore dhe dobësia e përgjithshme në sundimin e ligjit kontribuan në këtë problem. Rastet e korrupsionit në mënyrë rutinore i nënshtroheshin ankesave të përsëritura dhe sistemi gjyqësor shpesh lejonte skadimin e parashkrimit.

Në dhjetor 2021, Instituti i Kosovës për Drejtësi ka identifikuar 11 raste të korrupsionit në rrezik të parashkrimit; në janar shtatë nga këto raste kanë skaduar për shkak të parashkrimit.

Korrupsioni: Agjencia Kundër Korrupsionit dhe Zyra Kombëtare e Auditimit ndanë përgjegjësinë për luftimin e korrupsionit në qeveri.

Që nga shtatori, Agjencia Kundër Korrupsionit publikoi 29 opinione për raste specifike të konflikteve të mundshme të interesit dhe aktiviteteve hipotetike në të ardhmen që mund të përbëjnë konflikt interesi.

Prokurorët ngritën 150 aktakuza lidhur me korrupsionin dhe 34 nga rastet e korrupsionit u dënuan që nga tetori.

OJQ-të dhe organizatat ndërkombëtare pretenduan për dështime të shumta nga sistemi gjyqësor për të ndjekur penalisht korrupsionin, duke vënë në dukje se shumë pak raste të ngritura kundër zyrtarëve të lartë rezultuan me dënime. Dënimi i zyrtarëve të nivelit të lartë të dënuar për korrupsion ishte shpesh i butë.

Që nga dhjetori, një vendim mbeti në pritje në gjyqin e 2019-ës për ish-ministrin e Bujqësisë, Nenad Rikalo, dhe tetë zyrtarë të tjerë të ministrisë të akuzuar për shpërdorim detyre. Grupi dyshohet se anashkaloi masat mbrojtëse ligjore dhe manipuloi procesin e granteve të ministrisë për të dhënë miliona dollarë kompanive në pronësi të bashkëpunëtorëve politikë./Gazeta Insajderi/