Luis Suarez ka vendosur të largohet nga Atletico Madrid pas dy viteve qëndrim në Wanda Metropolitano.

Sulmuesi uruguaian ka pasur një vit të mirë, përkundër moshës së tij dhe disa problemeve me lëndime.

35-vjeçari zhvilloi 44 ndeshje zyrtare me Atleticon ku shënoi 13 gola e asistoi në tre të tjerë në 2288 minuta sa ka luajtur këtë edicion.

Siç thekson A Bola, disa fronte janë të hapura për Suarez. 13 gola dhe 3 asistime këtë sezon, ai vazhdon të jetë një sulmues i besueshëm në portë, për sa kohë që gjen një ekip që shkëlqen në sulm.

Pas informacioneve të medias portugeze, Emelec, një skuadër ekuadoriane, do të kishte paraqitur një ofertë prej rreth 2.8 milionë euro, shifër me të cilën ata do të shpresonin të bindin Suarez.