×
  • Lajme
  • Botë
  • Lajme / Botë

    Njihuni me bandën më të frikshme dhe më të madhe në botë

    Insajderi
    20 April 2017 - 22:18

    Një varg vrasjesh brutale në ShBA kanë marrë vëmendjen kombëtare, MS-13, një bandë rruge që ka në LA me prejardhje nga Salvadori.

    Sipas policisë, vrasja e fundit masive ishte të hënën, në Long Island , ku trupat e 4 meshkujve, 3 prej tyre adoleshentë, u gjetën të copëtuar në pyll.

    Banda u krijua në lindje të LA gjatë viteve 1980, e formuar nga emigrantët që kishin ikur nga lufta e gjatë civile dhe brutale e Salvadorit. Të tjerët erdhën nga  Hondurasi, Guatemala dhe Meksika.
    MS qëndron për Mara Salvatrucha, dhe thuhet se është një kombinim i Mara, që do të thotë bandë,  Salva, për Salvadorin dhe trucha, që përkthehet saktësisht “të mençurit e rrugës”. Numri 13 paraqet pozitën e shkronjës M në alfabet.

    MS-13 krijoi një reputacion të gjerë për dhunë ekstreme dhe për vrasje me hanxhar. Banda u përhap më së shumëti në lagjet e dominuara nga bandat meksikane, dhe pastaj u zgjerua në pjesë të tjera të vendit.

    Sipas FBI, banda është e përhapur në 46 shtete, raporton gazeta BBC.

    MS-13 është akuzuar për rekrutimin e adoleshentëve të varfër dhe në rrezik. Për të qenë pjesë e bandës thuhet se kërkohet të qenit “i krisur” – nënshtrimit të një rrahjeje të keqe 13 sekondash – dhe “të përfshihesh në lojë” – kryerjen e një krimi, shpesh një vrasje për bandën.

    Largimi nga banda është potencialisht edhe më i rrezikshëm. Tatuat e gjëra në gjoks i etiketojnë ata gjatë tërë jetës, dhe thuhet se një grup i veçuar i tyre vrasin anëtarë që përpiqen të largohen.

    Një vlerësim i vitit 2008 nga FBI, erdhi në përfundim se banda MS-13 është në mes 6.000 dhe 10.000 anëtarë në ShBA, duke e bërë atë një nga ndërmarrjet më të mëdha kriminale në vend.

    Sipas informacionit nga një operacion i policisë së Salvadorit, e siguruar nga gazeta El Faro, të ardhurat vjetore të bandës janë rreth 31.2 milion dollarë, kryesisht nga droga dhe grabitjet.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark