Opera “Gjergj Kastrioti-Skënderbeu” do të jepet edhe në Kosovë, pikërisht më datën 17.05.2023, pas premierës që u mbajtë në Tiranë më datë 09.05.203. Kështu njofton Filharmonia e Kosovës në faqen e saj në rrjetin social facebook.

“Jemi të lumtur të prezantojmë premierën e operës “Gjergj Kastrioti – Skënderbeu, kryezot i Arbërit” (Versioni koncertal) e kompozuar nga Vasil S. Tole dhe me libret të kompozitorit mbi tekstin e Fan S. Nolit.”- thuhet në njoftimin e Filharmonisë së Kosovës.

Orkestra dhe Kori i Filharmonisë së Kosovës në bashkëpunim me Korin e Teatrit Kombëtar të Operës dhe Baletit në Tiranë (Shqipëri) në drejtimin e mjeshtrit Sieva Borzak (Itali) do të interpretojnë këtë vepër të përmasave të mëdha për publikun e Prishtinës, kjo pas prezantimit të suksesshëm më 9 maj në Teatrit Kombëtar të Operës dhe Baletit në Tiranë. Koncerti mbahet më 17.05.2023 prej orës 20:00 në AMC Hall (Rr. Cërriku, Mazgit – Magjistralja Prishtinë – Mitrovicë).

OPERA SOLEMNE

Gjergj Kastrioti – Skënderbeu, kryezot i Arbërit

Version koncertal

Kompozitor VASIL S. TOLE

Libreti VASIL S. TOLE | FAN S. NOLI

ORKESTRA DHE KORI I FILHARMONISË SË KOSOVËS

KORI I TEATRIT TË OPERËS DHE BALETIT – TIRANË

Solistë:

ARTUR VERA – bariton

KLODJAN KAÇANI – tenor

KALTRINA MIFTARI – soprano

DEA XHEMAJLI – mexosoprano

Dirigjent: SIEVA BORZAK

Dirigjent i Korit të Filharmonisë së Kosovës

HAJRULLAH SYLA

Dirigjent i Korit të Teatrit të Operës dhe Baletit – Tiranë (Shqipëri)

DRITAN LUMSHI