×
  • Lajme
  • Insajderi

    Osmani: Kosova diskuton në dialog për çështjen e të pagjeturve jo për statusin e saj

    Insajderi
    13 May 2021 - 17:52

    Presidentja Vjosa Osmani tha se ka njoftuar presidentin slloven, Borut Pahor se Kosova do të ulet në tavolinën e dialogut me Serbinë, por nuk do të pranoj që çështja e kufijve të diskutohet, raporton Ekonomia Online.

    “Prandaj unë e potencova gatishmërinë e Kosovës të jetë pjesë e dialogut duke e pasur parasysh që statusi jonë është përcaktuar më 17 shkurt e gjithashtu edhe kufijtë. Kosova do të ulet në tavolinë për të diskutuar për çështje të rëndësishme siç është çështja e personave të pagjetur”, u shpreh ajo në një konferencë të përbashkët me homologun e saj slloven.

    Tutje, Osmani tha se gjatë takimit me presidentin Pahor ka potencuar se liberalizimi i vizave do të forconte kredibilitetin e Bashkimit Evropian në Kosovë

    “Diskutuam për përshpejtim të integrimin evropian të gjithë rajonit tonë. Kosova e ka prioritet integrimin evropian, prandaj reformat që duhet të merren për këtë proces ne nuk i shohim si imponim por reforma në të mirë të qytetarëve tanë. Natyrisht e potencuam që Kosova ka plotësuar kriteret për liberalizimin e vizave, dhe tani është në një pritje të gjatë dhe fatkeqësisht qytetarët tanë po presin. Liberalizimi i vizave do ta ngriste kredibilitetin e BE-së në Kosovë”.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark