Shpërthime dhe të shtëna me armë zjarri dyshohet se kanë ndodhur sot gjatë dite në Mitrovicën e Veriut dhe Zubin Potok.

Pas paralajmërimit për mbajtjen e zgjedhjeve lokale në veri të vendit dhe tentimit të shtetit të Kosovës për organizimin e tyre, është tensionuar situata.

Mediat lokale nga Mitrovica, kanë  publikuar një video-incizim, të momentit të shpërthimit te tre rrokaqiejt në veri të Mitrovicës.

Ndërsa, në komunën e Zubin Potokut janë lëshuar sirenat e alarmit nga banorët lokalë serbë.

Derisa, Ministri i Punëve të Brendshme, Xhelal Sveçla njoftoi se zyrtarët komunalë të zgjedhjeve dhe zyrtarët policorë janë sulmuar me shok bomba dhe të shtëna në ajër.

Pamjet e reja të publikuara në rrjetin social Twitter mund t’i ndiqni më poshtë: