Ylli i Borussia Dortmundit dhe i Gjermanisë, Jusufa Mukoko është i përfshirë në një skandal, pasi dyshohet se ka falsifikuar moshën.
Sulmuesi i cili konsiderohet si një ndër të rinjtë më të talentuar te “pancerat”, ka lindur në Ja-unde të Kamerunit, ndërsa në vitin 2014 u transferua në Gjermani për të jetuar, ku edhe u birësua.
Dyshimet janë se mosha e tij është 22 vjeç dhe jo 18, siç njihet në dokumentet zyrtare.
Në median austriake “Laola 1” është publikuar një certifikatë lindjeje e vitit 2000 me emrin Jusufa Mohamadu dhe i atribuohet sulmuesit të Dortmundit, Mukoko.
Federata gjermane nuk pranoi që të komentonte duke e quajtur spekullim.
Në vitin 2017, institucioni gjerman i futbollit mohoi çdo paligjshmëri në lidhje me dokumentacionin e lojtarit, ditëlindja e të cilit është regjistruar më 20 Nëntor 2004.
Javën e kaluar, Kameruni, vendi i origjinës së lojtarit u trondit nga një skandal, pasi 21 nga 30 futbollistët e përfaqësueses U-17 rezultuan më të mëdhenj.
Për Mukoko kishte interesim nga Njukastëllit dhe Çelsi në Premier Ligë, por klubet janë tërhequr deri sa situata të qartësohet.