Këngëtari i njohur, Majk ishte i ftuar gjatë puntatës së fundit të “Zemër Luana”. Ai u vendos përballë një loje mes artistash ku bëri dhe disa deklarata të forta për ta.
Gjatë sfidës së “Paintball”, Majk u pyet se cili nga artistët në foto “duhet të mbledhë rrobat dhe të largohet nga repi” dhe ai qëlloi foton e Don Xhonit.
Pas këtyre deklaratave, ai është takuar dhe ka postuar në InstaStory një fotografi me reperin nga Drenica.
“Asgjë vetëm dashuri dhe respekt Boki”, ka shkruar Majk për Don Xhonin.
Por kujtojmë se gjatë lojës artisti u shpreh se këto deklarata nuk duhen të merren për bazë nga këngëtarët pasi nuk ka asgjë personale me ta.