Ministrja e Arsimit, Arbërie Nagavci ka emëruar në pozitën anëtarës së Këshillit drejtues të Universitetit të Gjakovës “Fehmi Agani”, Valbona Puka-Gola e cila është nëna e këshilltarës politike, të Nagavcit, Arrita Golës.

Por, pas publikimit të Insajderit Minsitrja është tërhequr. Arrita Gola në një pronencim për Gazetën Insajderi tha se çfarëdo vendimi duhet konsideruar i pavlefshëm sepse është gabim Teknik.

Gola tha se nuk ka qenë fare e njoftuar për këtë vendim dhe se sipas saj është bërë gabim teknik në citimin e emrave.

“Une nuk kam qene e informuar per kete vendim (e kuptova nga mesazhi juaj). Kontaktova edhe me kabinetin dhe me njoftuan se eshte bere leshim teknik ne citimin e emrave. Ju lutem, cfaredo vendimi te leshuar konsideroni si te pavlefshem, sepse nena ime nuk eshte pjese e KD te Universitetit te Gjakoves”, tha Gola për Insajderin.

Ajo po ashtu ka shtuar se as nëna e saj nuk është e informuar për këtë vendim.

“Nena ime nuk eshte njoftuar per ndonje propozim te mundshem, e as nuk eshte njoftuar per ndonje vendim te tille, as permes telefonit e as permes kanaleve zyrtare te komunikimit, sic do te duhej sipas ligjit per proceduren e pergjithshme administrative. Prandaj vendimi nuk vlen dhe do te korrigjohet”, përfundoi ajo.

Gazeta Insajderi pak më parë ka publikuar vendimin në bazë të së cilës ishte punësuar nëna e këshilltarës se Nagavcit.