Edhe pas takimit tetë orësh në Bruksel, nuk është arritur ndonjë marrëveshje në mes të Kosovës dhe Serbisë, lidhur me targat. Lidhur me këtë ka reaguar sekretari i Nisma SocialDemokrate, Bilall Sherifi, duke thënë se sot paska përfunduar “muaji i mjaltit” Kurtit me Borrellin.
“Si duket sot paska përfunduar “muaji i mjaltit” i Albin Kurtit me Josep Borrellin!” ka shkruar Sherifi.
Tutje ai ka shtuar se nuk ka kaluar kohë kur Kurti e kërkonte Borrellin me çdo kusht.
“Nuk ka kaluar shumë kohë kur Kurti refuzonte përfaqësuesit e SHBA-së duke thënë se Kosova është Europë e jo Meksikë. E kërkonte Borrellin me çdo kusht! Veç Kurti ka mund të besojë që një politikan që vjen nga një shtet që nuk e njeh pavarësinë e Kosovës do të angazhohet që Sërbia të respektojë sovranitetin e Kosovës”.
Derisa ka përfunduar se në fund Kurti e kuptoi realitetin por ia humbi dy vite Kosovës.
“Mirë që më në fund edhe Kurti e ka kuptuar realitetin por keq që derisa e kuptoi Kosovës ia humbi dy vite!”, ka shkruar Bilall Sherifi.
Postimi i Bilall Sherifit:
Si duket sot paska përfunduar “muaji i mjaltit” i Albin Kurtit me Josep Borrellin!
Nuk ka kaluar shumë kohë kur Kurti refuzonte përfaqësuesit e SHBA-së duke thënë se Kosova është Europë e jo Meksikë. E kërkonte Borrellin me çdo kusht!
Veç Kurti ka mund të besojë që një politikan që vjen nga një shtet që nuk e njeh pavarësinë e Kosovës do të angazhohet që Sërbia të respektojë sovranitetin e Kosovës. Mirë që më në fund edhe Kurti e ka kuptuar realitetin por keq që derisa e kuptoi Kosovës ia humbi dy vite!