×
  • Lajme
  • Insajderi

    Pejak për InDoks: Kompania e Berishajt në Mal të Zi u formua vetëm për të pranuar para nga Serbia, s’ka kurrëfarë aktiviteti biznesor

    Insajderi
    29 January 2023 - 23:02

    Me t’u bllokuar gjirollogaritë e Berishajt në Mal të Zi nga Banka Qendrore, “Alternativa Crna Gora” ishte e para që kishte pretenduar se paratë e marra nga Berishaj kishin përfunduar në financimin e fushatës zgjedhore të Lëvizjes Vetëvendosje.

    Në InDoks, Vesko Pejak nga kjo organizatë tregon që kjo kompani s’ka funksionuar kurrë s’i biznes, por vetëm si kanal i pranimit të parave nga GEN-i, dega në Beograd.

    Berishajt iu kishte mbyllur gjirollogaria bankare e kompanisë ngase i detyrohej 30 mijë euro taksa shtetit malazias.

    “Sistemi ynë i taksave, shërbimi për taksat, është shërbim i pavarur, është vetëm formalisht i lidhur me Bankën Qendrore. Banka Qendrore bllokon çfarëdo kompanie që ka këtë [borxh]. Për shembull, kompania e zotit Berishaj MB Consulting u bllokua për shkak të borxhit ndaj sistemin tonë të taksave. S’ka paguar asnjë taksë për biznesin e bërë. Por, kjo kompani nuk është formuar për të bërë ndonjëfarë biznesi”, thotë Pejak në InDoks.

    “Kjo kompani u formua vetëm për të marrë paratë nga Serbia, mëpastaj që të tërheq keshin (paratë në dorë) nga ajo kompani dhe ajo kompani u mbyll. Jo e mbyllur formalisht, por e mbyllur në kuptimin që ajo kompani s’ka punuar kurrë me ndonjë biznes, ajo kompani u formua vetëm për atë punë të vetme. Prandaj, s’paguan asgjë, nuk kanë agjë, s’kanë zyre, s’kanë të punësuar e të tjera. Prandaj kompania u bllokua nga ligji, e jo nga vëmendja e Bankës Qendrore ose Zyra e Taksave”, tha ai./Insajderi/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark