Ka përfunduar me sukses edicioni i dytë i festivalit tashmë shumë të njohur UNUM.
Rana e Hedhun është plazh në Shëngjin të Shqipërisë, që ishte vend nikoqir i festivalit. Ky plazh zakonisht frekuentohet më shumë nga pushuesit nga Kosova dhe Shqipëria. Mirëpo përgjatë festivalit si kurrë më parë u frekuentua nga një numër i madh i turisteve internacional, duke përfshire vende të ndryshme kryesisht nga Evropa, si Franca, Gjermania, Anglia, Zvicra, e të tjera. Mirëpo nuk munguan as vizitorë përtej Evropës, si nga US dhe Izraeli.
Festivali u mbajt nga data 3 – 7 qershor dhe kishte një numër të madhtë DJ-ve vendor dhe ndërkombëtarë që u përkujdesen për argëtimin e një audience tejet të madhe.
Ndër DJ-të e famshëm që lëshuan muzikë ishin Ben Klock, Dyed Soundorom, Matheë Jonson, Praslea, Priku, Raresh, Ricardo Villalobos, Sonja Moonear e shumë dj të tjerë.
Nga disa burime të Insajderit mësohet se në festival ishin rreth 13,750 persona nga vende të ndryshme.
Sipas këtij burimi numri më i madh i audiencës në festival ishin internacional, duke pasuar me Kosovën, Shqipërinë, Malin e zi, Serbin, Maqedoninë, Francën, Anglinë, Gjermanin, Zvicrën e të tjera.
Audienca:
Në këtë edicion të UNUM Festival muzika u servua paralelisht në tri podiume të ndryshme duke krijuar laramani të muzikës dhe të atmosferës, duke përfshirë podium edhe në rëre në afërsi të detit.
Për organizimin e këtij festivali si ngjarja e parë më e madhe që nga situata me COVID 19, është angazhuar edhe qeveria e Shqipërisë, duke ofruar kushte dhe ndihme për një realizim sa më të mirë. Pasi që një numër aq i madh i audiencës ka ndikuar pozitivisht në turizmin e Shqipërisë, posaçërisht të zonës përkatëse.
I gjithë ky organizim madhështore nuk kaloj pa u përmendur nga shumë media me renome ndërkombëtare si WashingtonPost, The Independent, Euronews e të tjera. Duke e cilësuar si njërin ndër festivalet më të mira të këtij zhanri.