Arsimtarja e matematikës, në një shkollë të komunës së Suharekës, Remzie Lezi, në fashatin Reshtan të komunës së Suharekës është përjashtuar nga puna për shkak të vendosjes së shamisë.
Këshilli Drejtues i Shkollës “Flamuri i Arbrit”, ka vendosur në mënyrë unanime, që Lezi të përjashtohet nga shkolla.
“Që duke u mbështetur në UA.nr03/2016, neni 3 pika 7, që ndalon bartjen e uniformes fetare, i gjithë këshilli vendosi unanimisht që nuk i lejohet arsimtares së matematikes, znj, Remzie Lezi ta ushtrojë profesionin e mësuesisë në shkollën tonë”, thuhet në shkresën e shkollës.
Para shtatë vitesh një rast i ngjajshëm kishte ndodhur në Policinë e Kosovës, shkruan Gazeta Insajderi.
Indira Mujaj, e cila ishte shërbyese civile në Policinë e Kosovës u përjashtua nga puna . Arsyeja e këtij përjashtimi ishte shamia e saj.
Mirëpo Gjykata Themelore e ktheu në punë Mujajn para dy vjetëve. Kundra këtij vendimi ishte Ministria e Punëve të Brendshme, ku edhe bëri ankesë.
Kjo çështje shkoi në Gjykatën e Apelit që është një shkallë më e lartë, me ç’rast Apeli e rrëzoi ankesën e MPB.
Vendimi i Apelit u mor në mars të këtij viti.