×
  • Lajme
  • Lajme

    Përjashtohet me 40 ditë Edi Paloka pasi dogji rregulloren e Kuvendit të Shqipërisë

    Insajderi
    09 February 2024 - 18:52
    Klikoni Këtu për t'u bërë pjesë e kanalit të Insajderit në Youtube.

    Vijojnë masat ndëshkuese ndaj deputetëve të opozitës në Shqipëri.

    Pas përjashtimit të 4 deputetëve demokratë nga komisionet dhe seanca plenare, sot u përjashtua me 40 ditë Edi Paloka, ndërsa Petrit Doda me 20 ditë, duke e çuar në 23 numrin e deputetëve opozitarë të përjashtuar.

    Edi Paloka ishte protagonist ditën e djeshme jo vetëm për fjalimin që mbajti në foltore, por edhe djegien e rregullores së Kuvendit. Ndërkohë edhe deputeti Petrit Doda u përjashtua për rrëmujën dhe kaosin e krijuar në sallë.

    Dy ditë më parë, pas kërkesës së Partisë Socialiste, Komisioni i Etikës përjashtoi nga pjesëmarrja në komisione dhe në seancë plenare 4 deputetët demokratë; Gazment Bardhi, Bledjon Nallbati, Asllan Dogjani dhe Flamur Noka.

    Ndërkohë që për Bardhin përjashtimi është për 10 ditë, tre të tjerët janë përjashtuar për 20 ditë nga seanca dhe komisionet./a2news

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark