Kandidati nga Lidhja Demokratike e Kosovës për kryetar të Prishtinës, Perparim Rama, ka thënë se fshatrat janë element kyç për zhvillimin e kryeqytetit.

Në kuadër të fushtës zgjedhore, Rama bashkë me Kryetarin e LDK-së Lumir Abdixhiku, kanë vizituar fshatin Barilevë.

Rama ka premtuar se do t’i ndihmojë fshatrat dhe do ta përkrahë bujqësinë në mënyrë që banorët të mos largohen për në qytet.

“Në plan programin tonë, ne i shohim fshatrat si një element kyç për zhvillimin e Prishtinës. Ne duhet t’i ndihmojmë këto zona në mënyrë që banorët e tyre të mos largohen nga vendi për të dalë në qytet, ne duhet të mbështesim bujqësinë”, ka shkruar Rama.