×
  • Lajme
  • Botë
  • Lajme / Botë

    Përpos birrës, në stadiumet e Katarit ndalohet edhe hyrja i veshur me ngjyra ylberi

    Insajderi
    22 November 2022 - 09:22

    Shtetet e Bashkuara të Amerikës dhe Uellsi luajtën në barazim, 1:1, ndeshjen e fundit të ditës së dytë të Botërorit FIFA, e cila u luajt në kuadër të xhiros së parë të Grupit B.

    Prezantimi i ndeshjes është bërë nga gazetari amerikan Grant Wall, të cilit sigurimi në hyrje i ka ndaluar hyrjen pasi kishte veshur një fanellë me ngjyra ylberi. Një amerikan që punonte për CBS erdhi në stadiumin Ahmad bin Ali në Al Rayyan për të parë ndeshjen midis SHBA-së dhe Uellsit, por iu mohua qasja.

    “Sigurimi nuk më lejoi të hyja në stadium për ndeshjen SHBA-Uells. Ju duhet të ndryshoni këmishën tuaj. Kjo nuk lejohet” ka shkruar ai në rrjetet sociale.

    Ai kishte veshur një bluzë ku shkruhej “One Love”, e cila sipas rregulloreve të FIFA-s duhet të lejohet sepse promovon vlera që kanë të bëjnë me të drejtat e njeriut dhe janë kundër diskriminimit. Megjithatë, vendi pritës vendosi të pengojë promovimin e kësaj strategjie të FIFA-s në momentin e fundit.

    Pas këtij njoftimi, shumë u shprehën dhe theksuan qëndrimin e tyre “pro” dhe “kundër”, dhe një nga ata që ka mendim të kundërt është Nayef bin Nahar, drejtor i “Caldon Center for Social Humanities of University of Katar” i cili shkroi. :

    “Si dikush nga Katari, jam krenar për atë që ndodhi. Nuk e di nëse perëndimorët e kuptojnë se vlerat e tyre nuk janë universale. Ka kultura të tjera me vlera të ndryshme që duhen respektuar. Të mos harrojmë se Perëndimi nuk është “lajmëtari i njerëzimit”.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark