×
  • Sport
  • Sport

    Përveç Arsenalit, edhe dy skuadra të mëdha po e kërkojnë Edon Zhegrovën

    Insajderi
    31 May 2023 - 23:18

    Sulmuesi i Lille-s, Edon Zhegrova, i cili është i lidhur me një kalim te Arsenali, është shfaqur si objektiv i verës për Napolin dhe Milanin.

    Të dy gjigantët e Serisë A janë në kërkim të një anësori të ri sulmues.

    Zhegrova, i cili ka kontratë me Lille deri në qershor 2026, është ndër objektivat e tyre, sipas raportimeve në Itali.

    Corriere dello Sport pretendon se 24-vjeçari është ndër kandidatët e Napolit për të zëvendësuar Hirving Lozano, i cili mund të largohet nga “Stadio Maradona” në verë, duke pasur klube të Premier League dhe Ligue 1 të interesuara për nënshkrimin e tij.

    Gazeta pretendon se Napoli dhe Lille janë në marrëdhënie të mira, por kjo nuk do të thotë se kampionët e Serisë A do të kenë trajtim preferencial në garën për ndërkombëtarin kosovar.

    Për më tepër, prioriteti i Napolit është të gjejë një mesfushor të ri qendror dhe Lazar Samardzic i Udineses është opsioni i tyre i preferuar për të zëvendësuar potencialisht Piotr Zielinski.

    Milani i ka vënë sytë edhe Zhegrovës.

    Anësori i talentuar është në axhendën e “kuqezinjve” së bashku me Adama Traore, Riccardo Orsolini, Hakim Ziyech dhe Nicolo Zaniolo./Arbresh.info/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark